|
قـوم يـا جـيلنا الـصاعد وشـمر عـزومك
وادرك اول قـطـارات الـصـراط الـقويمه
شـد حـبل الـتوكل شـد يـا حـيد قـومك
وابـنـي الـسـد ذي بـالهدي يـرتح عـريمه
اذن الـصيف يـا جيل اين غابت علومك
واقـتلوا الـفيرغه يااهل القلوب السليمه
قوم لاهنت واقطع سلس غطاس نومك
يــا غـلـبت الـنـوى والاالـغلايب وخـيمه
مـن ثـنايا الـمسيره جـيت حـيا قدومك
لارحــاب الـثـقافه والـصـروح الـعـظيمه
والـسـلومه وحـيـا بــك وحـيـا زهـومـك
فــي مـحـاور تـحوز الـرفعه الـمستديمه
جـيل صـاعد وبـالقران تـسطع نـجومك
فــي ثـريـات الاطـهـار الـكـرام الـفخيمه
تحمي الدين وتقارع خصومه خصومك
رابــط الـجـاش تـتفادى الـسهام الـلئيمه
جـيـل مـتـزلم ايـمـانك مـبرمج نـظومك
حـسـب تـكـليف والـتشريع تـلزم تـقيمه
مـرتبع فـوق عـرش الحق مااحد يلومك
عـظـمة الـجمجمه تـبرق حـميه وشـيمه
كـلما كَـمّك الـخوف اعـقبه فـي كمومك
والـجم الـسيل بـالسيل الـعرمرم لـجيمه
واكـنس افـكار لـلتدجين فـيها خـمومك
وانـتقف بـصمة الـمستشرقين الـسقيمه
مــن رتــوب الـمـراكز والـملازم رقـومك
عـالـيـه كـلـمـا تـعـلـى سـقـوف الـعـزيمه
وارض طَـيبه مع مسرى محمد تخومك
فــي بـصـاير جـلـيات الـكـتاب الـكريمه
#إتحاد_الشعراء_والمنشدين
في الخميس 04 مايو 2023 09:52:52 م