يامــرحـبــا يانــور ضـــوه يـهــدي
ويزيــح ظلمـات الـُدجـى والــردة

وكــل مــا ذكــرك علـيـنــا يـبـــدي
ياسـيـد الكونــين ننسـى الـشـــدة

حــروف شعري في غرامك تشدي
والقلب لك يـنـبـض بصـافـي وده

صـلـى عليك يامن بذكـرك عـيـدي
الشعب ذي أصبحت ثالـث عـيـده

مـع حفيـدك جـيـت رافــــع يّــدي
والـكــل لك جـيـنـا نلـبـي بـعـــده

الكل سلـم تـحـت أمـــرك جـنــدي
للـحــق سيفـه مابقـي في غـمـده

يطحن جماجـم جيشه الـمـتـردي
شعلة حـمـاسـه واللضى مشـتـدة

يـاويـل من هـو للـنـبــي مـتـعـدي
باننتـزع روحــه ونـنـهــش كـبــده

يالقبيلة شــدي حــزامــش شــدي
يامحزمـي وقت الحضى والشـدة

لـمــولـــد الـنـــور الإلـهـــي عـــدي
ربـعــي لــزام الـطـــارفـه والـعـدة

بـكـيل حـاشــد ياســواعـد زنــدي
ياسـيـف لابن المصطفـى في يـده

مـأرب يـلـبـي بالـنـبــي مـتـحــدي
وإب حـجــة ســيـل يـزبـن رعــده

وانوار صنعـاء من ولاهــا تـهـــدي
مــع ذمــار الـعــز صـــادق وعــده

من الـحـديـدة لاحــرض لامـيـدي
تعز والمحـويت عـمــران صـعــدة

كـلاً في البـيـضـاء بروحـه يـفـدي
والجـوف لأجله لو بذل من كـبـده

بـالله عـــدي يالـقـبــل وأعــتــدي
ليوم مـيــلاد الرســول .. الـعـــدة

أستنـفـري بـعـد الـعـلــم وأشـتدي
وجــددي في يــوم ذكــرى جــده

عهد الوفــاء ذي بالــولاء مـمـتـدي
وشـعـبـنـــا له بـايــوثــق عـهـــده

في مولده بأبـذل وبـأدي جـهـدي
لأجــل النبي والكل يبـذل جـهـده

للمصطفى بأفـزع كمـا كان جـدي
ذي ناصـره من حـين كـانه وحده

بانحتفل ونـهــز عـرش الـنـجــدي
لاما يصيحوا ياعمـان .. الـنـجـدة ..!!

واللون الأخـضــر بايـكــم الـوردي
ويكم عـيـد الـرمسـســة والـوردة

لـبـيــك ياخــير الــورى ياســيـدي
شعبي نسج لك من صموده بـردة

بـأروحـنــا لك يـامـحـمــد نـفــدي
ياحُـب .. فالعرش السماوي حـده

#إتحاد_الشعراء_والمنشدين